جامعہ روحانیت بلتستان پاکستان کے صدر سید احمد رضوی نے مقبوضہ کشمیر کے سلسلے میں بھارتی حالیہ ناروا اقدامات پر اظہار خیال کرتے ہوئے کہا کہ مقبوضہ کشمیر بین الاقوامی سطح پر تسلیم شدہ تنازع ہے، بھارتی یکطرفہ اقدام کے خطے پر منفی اثرات پڑینگے۔ بھارتی حکومت کو تمام غیرقانونی اقدامات واپس لیتے ہوئے مسئلہ کشمیر کو اقوام متحدہ کی قراردادوں کے مطابق حل کرنا چاہئے اور مقبوضہ کشمیر کے باسیوں کو ہر ممکن انصاف دلانا ہوگا۔ امریکہ اسرائیل اور بھارت کے گٹھ جوڑ سے ملک کے استحکام اور امن کو نقصان پہنچایا جا رہا ہے۔

پاک فوج نے کشمیر کے حوالے سے ہمیشہ مثبت کردار ادا کیا ہے اور اس کے مستقل حل کے لیے ہر ٹھوس اقدام کی حمایت کی ہے، مگر ان تمام حالات میں بھارت نے مسئلہ کشمیر پر نہ صرف لچک دکھانے کی کوشش کی بلکہ اسے مزید پیچیدہ بنانے کی مذموم کوشش کی جاتی رہی ہے.
پاکستانی غیور عوام سے ہمارا مطالبہ ہے کہ مسئلہ کشمیرکے حوالے سے پاک فوج اور حکومتی اقدامات کا بھر پور ساتھ دیں ان شاء اللہ تعالی عوام؛ پاک فوج اور حکومتی مثبت پالیسی اور آپس کی یکجہتی سے مسئلہ کشمیر کے سلسلے میں سب کے لیے قابل قبول حل سامنے آئے گا.
پاکستان زندہ باد پاک فوج پایندہ باد

Comments (0)

There are no comments posted here yet

Leave your comments

Posting comment as a guest. Sign up or login to your account.
0 Characters
Attachments (0 / 3)
Share Your Location

This e-mail address is being protected from spambots. You need JavaScript enabled to view it.  Etaa

طراحی و پشتیبانی توسط گروه نرم افزاری رسانه