رہبرانقلاب اسلامی نے آج آیت اللہ مھدوی کنی کی وفات کی مناسبت سے اپنے پیغام میں امام خمینی (رح) کے اس سچے اور وفاداردوست کے کردار کی جانب اشارہ کرتے ہوۓ کہا کہ آیت اللہ مھدوی کنی، ہمیشہ ایک مذہبی عالم دین اور سچے سیاستداں کی حیثیت سے سامنےآئے۔

حضرت آیت اللہ العظمی خامنہ ای نے اس پیغام میں اس بات کا ذکرکرتے ہوئے کہ آيت اللہ مھدوی کنی نے ان برسوں میں رونما ہونے والے تمام واقعات میں ہمیشہ راہ حق وحقیقت میں قدم رکھا ، کہا کہ آن مرحوم نے اپنی فعالیتوں کے موثر اور وسیع میدان میں کبھی بھی قبائلی اور گروہی محرکات اور ذاتی تحفظات کو دخیل نہیں ہونے دیا۔ رہبرانقلاب اسلامی کے پیغام میں آیت اللہ مھدوی کنی کے لئے درجات کی بلندی کے لئے دعا کی گئی ہے۔ واضح رہے کہ عالم ربانی آیۃ اللہ محمد رضا مہدوی کنی کو چار جون کو بانی انقلاب اسلامی حضرت امام خمینی(رہ) کی پّچیسویں برسی میں شرکت کے بعد گھرپہنچنے پردل کا دورہ پڑا جس کے بعد انھیں اسپتال میں داخل کردیا گیا جہاں ان کا علاج جاری رہا مگر آج اس عالم ربانی نے داعی حق کو لبیک کہا اور اپنے خالق حقیقی سے جا ملا۔ آیت اللہ مہدوی کنی کی عمر چوراسی سال تھی۔ آیۃ اللہ مہدوی کنی، اسلامی انقلاب کے آغاز سے ہی مختلف عہدوں پر فائز رہے۔ وہ انّیس سو اناسی سے انّیس سو اکیاسی تک ایران کے وزیر داخلہ اور صدارتی انتخابات کے انعقاد تک نگراں وزیراعظم بھی رہے۔

Comments (0)

There are no comments posted here yet

Leave your comments

Posting comment as a guest. Sign up or login to your account.
0 Characters
Attachments (0 / 3)
Share Your Location

This e-mail address is being protected from spambots. You need JavaScript enabled to view it.  Etaa

طراحی و پشتیبانی توسط گروه نرم افزاری رسانه