جامعہ روحانیت بلتستان کے صدر  حجۃ  الاسلام  سید احمد رضوی کا  اسلامی جمہوریہ پاکستان کے بائیسویں  وزیر اعظم کے انتخاب پر پیغام

جامعہ روحانیت بلتستان کے صدر  حجۃ  الاسلام  سید احمد رضوی  نے  اسلامی جمہوریہ پاکستان  میں عوامی اور منتخب نمائندوں کی طرف سے قائد ایوان کے انتخاب کے عمل کے اختتام پر ملک کی معروف سیاسی پارٹی تحریک انصاف کے چیئرمین عمران خان  کے  بھاری اکثریت سے بطور وزیر اعظم اسلامی جمہوریہ پاکستان  منتخب ہونے پر نیک خواہشات کا اظہار کیا ۔

انہوں نے  ملک میں جمہوری عمل کے  استمرار کو نیک شگون قرار دیتے ہوئے کہا کہ وزیراعظم کے انتخاب سے ایک جمہوری عمل مکمل ہوا ہے،  وطن عزیز   کے عوام کا دیرینہ مطالبہ یہی ہوگا کہ حکومت اپنے منشور کی طرف توجہ دے اورعوام سے کیے وعدوں کو پورا کرے۔ صدر ج ر ب نے مزید کہا کہ قائد ایوان نے جس طرح سے کڑا احتساب  اور ملک و قوم کے لوٹے ہوئے پیسوں کی واپسی  کا وعدہ کیا ہے پوری قوم کی امیدیں انہی سے وابسطہ ہوچکی ہے۔ توقع ہے کہ آئین، قانون، پاکستان کے نظریے کو ہر چیز پر مقدم، قومی اداروں کو مضبوط اور مستحکم کیا جائے گا۔

اللہ تعالی سے دعا گو ہیں کہ ملک عزیز پاکستان  ہر میدان ترقی کرے اور حکمرانوں کو خلوص کے ساتھ عوامی حقوق کی ادائیگی کی توفیق عنایت کرے۔

اسلام زندہ باد  پاکستان پایندہ باد

سید احمد رضوی

 

Comments (0)

There are no comments posted here yet

Leave your comments

Posting comment as a guest. Sign up or login to your account.
0 Characters
Attachments (0 / 3)
Share Your Location
طراحی و پشتیبانی توسط گروه نرم افزاری رسانه