صدر جامعہ روحانیت بلتستان پاکستان کی جانب سے حجت الاسلام بہشتی کو شعبہ مشہد کے صدر منتخب ہونے پر مبارک باد

صدر جامعہ روحانیت بلتستان حجت الاسلام محمد حسین حیدری نے کہا ہے کہ ماہ عبادت و بندگی رجب المرجب کی آمد اور اس ماہ مبارک کی اعیاد سعیدہ خاص طور پر ولادت مولائے کائنات امیر المؤمنین علی ابن ابی طالب علیہ آلاف التحیۃ و الثناء کی مناسبت سے ہدیہ تبریک و تہنیت پیش کرتا ہوں انتہائی مسرت کا مقام ہے کہ ہیئت محترم نظارت جامعہ روحانیت بلتستان پاکستان شعبہ مشہد الرضا علیہ السلام کے برزگان نے شعبہ مشہد کی مسئولیت کے لئے متفقہ طور پر آپ جیسے عالم، مخلص، متدین اور متعہد فرد کا انتخاب کیا۔

جامعہ روحانیت بلتستان پاکستا کے صدر حجت الاسلام محمد حسین حیدری نے عالم تشیع کے عظیم شخصیت، استاد عرفان و اخلاق آیت اللہ محمد تقی مصباح یزدی ؒ کے انتقال پردلی رنج وغم اور افسوس کا اظہار کیاہے۔

انہوں نے کہا کہ: مرحوم نے اپنی با برکت زندگی اسلام اور مکتب اہل بیت (ع) کی پاسبانی میں گزاری اور فکری اور نظریاتی محاذ پر ہمیشہ اسلام دشمن قوتوں کو پسپا کیا۔ بلا شبہ آپ کی ذات عالم اسلام کا ایک بے نظیر اور قیمتی اثاثہ تھی۔
اس عظیم سانحہ ارتحال پر مرحوم آیت اللہ محمد تقی مصباح یزدی ؒ کے تمام پسماندگان، عالم اسلام بالخصوص رہبر انقلاب اسلامی آیت اللہ العظمی خامنہ ای دامت برکاتہ کی خدمت اقدس میں تعزیت اور تسلیت عرض کرتا ہوں

جامعہ روحانیت بلتستان پاکستان کے صدر حجت الاسلام محمد حسین حیدری نے خبرگان کونسل کے رکن اور جامعہ مدرسین حوزہ علمیہ قم کی اعلی کونسل کے چیرمین آیت اللہ محمد یزدی کی وفات پر رہبر معظم انقلاب اور ایرانی قوم کو تعزیت پیش کی۔ انہوں نے اپنے پیغام میں کہا ہے کہ آیت اللہ یزدی ایک مایہ ناز عالم دین تھے جنہوں نے اپنی پوری زندگی مجاہدت اور خدمت میں گزاری اور پارلیمنٹ کی رکنیت، چیف جسٹس، خبرگان کونسل کی رکنیت اور حوزہ علمیہ قم کے اساتید کی اعلی کونسل کے چیرمین جیسے اہم عہدوں پر فائز رہے۔ انہوں نے کہا کہ آیت اللہ یزدی کی وفات، ایرانی قوم اور تمام مسلمانوں کے لئے رنج و غم کا باعث بنی ہے۔ انہوں نے آیت اللہ یزدی کے بلندی درجات کے لئے اللہ تعالی کی بارگاہ میں دعا کی۔

 مجلس جامعہ روحانیت بلتستان کے  اسپیکر کے لئے   4افراد نے بعنوان  امیدوار  اور 3  افراد نے ڈپٹی اسپیکر انتخابات میں حصہ لیا  اور داخلی الیکشن کے بعد دوسال کے لئے حجۃ الاسلا م مبشر حسن مقدسی اسپیکر اورحجۃ الاسلام سید بشارت موسوی تھگسوی ڈپٹی اسپیکر جامعہ روحانیت بلتستا ن پاکستان  منتخب ہوگئے ہیں۔

جامعہ روحانیت کے دستور  کے مطابق اجرائی کاموں کے مکمل اختیارات صدر جبکہ قانون گذاری  کا حق مجلس کے پاس ہے۔

 

سابق صدر حجۃ الاسلام سید احمد رضوی  اور موجودہ صدر حجۃ الاسلام محمد حسین حیدری نے  اسپیکر اور ڈپٹی اسپیکر کو مبارک باد دیتے ہوئے قم میں زیر تعلیم بلتستان کے تمام علما اور طلاب کرام کا شکریہ ادا کیا اور باہمی اتحاد و وحدت کیساتھ اسلام اور ملک عزیز پاکستان کو در پیش  چلنجز کا مقابلہ کرنے پر زور دیا۔

واضح رہے کہ جامعہ روحانیت بلتستان، بلتستان سے تعلق رکھنے والے طلاب کی ایک تنظیم ہے جو کہ پاکستان میں فلاحی اور تعلیمی سرگرمیوں میں مصروف ہے۔

This e-mail address is being protected from spambots. You need JavaScript enabled to view it.  Etaa

طراحی و پشتیبانی توسط گروه نرم افزاری رسانه