مورخہ 25 ستمبر 2020 ء مطابق 4 مہر ماہ 1399 بروز جمعہ جامعہ روحانیت بلتستان پاکستان کے دورہ پنجم کے آخری سال کا مشترکہ اجلاس منعقد ہوا۔


اجلاس کا باقاعدہ آغاز تلاوت کلام پاک سے ہوا جس کا شرف حجت الاسلام سید حامد حسین رضوی نے حاصل کیا۔
تلاوت کے بعد دبیر جامعہ روحانیت بلتستان شیخ محسن عباس نے اجلاس کے ایجنڈے کے مطابق اجلاس کی باقاعدہ کاروائی شروع کی۔ پہلے مرحلے میں نظارتی کمیٹی کے دبیر جناب حجت الاسلام و المسلمین سید محمد سعید موسوی نے نظارتی کمیٹی کی آٹھ ماہہ کارکردگی بیان کی۔ اس کے بعد مجلس قانون ساز جامعہ روحانیت بلتستان کے سپیکر جناب حجت الاسلام شجاعت علی کریمی نے اراکین مجلس کی مختلف کمیٹیوں کی کارکردگی بیان کی۔
صدر جامعہ روحانیت بلتستان پاکستان حجت الاسلام و المسلمین سید احمد رضوی نے دورہ پنجم کے آخری سال میں انجام پذیر فعالیتوں کا تذکرہ کرتے ہوئے تمام شعبہ جات کی مختلف کارکردگیوں کی فہرست بیان کی۔
اجلاس کے دوسرے مرحلے میں ماہ ربیع الاول سنہ 1442 ھ ق میں ج ر ب کے چھٹے دورے کے لیے صدارتی انتخابات کے انعقاد کے سلسلے میں بحث و گفتگو ہوئی۔
انتخابات منعقد کرنے کے سلسلے میں الیکشن کمیشن کی تشکیل اور دوسرے اہم امور کے بارے میں جزئی طور فیصلہ کیا گیا۔ البتہ نظارتی کمیٹی کے آیندہ اجلاس میں بعض قانونی صوابدید اور الیکشن سے متعلق جامع قانون سازی کے بعد حتمی فیصلہ جاری کرنے پر اتفاق کیا گیا۔
دعائے سلامتی امام زمان (عج) کی تلاوت کے بعد اجلاس اختتام پذیر ہوا۔
منجانب
ترجمان جامعہ روحانیت بلتستان پاکستان

Comments (0)

There are no comments posted here yet

Leave your comments

Posting comment as a guest.
0 Characters
Attachments (0 / 3)
Share Your Location

This e-mail address is being protected from spambots. You need JavaScript enabled to view it.  Etaa

طراحی و پشتیبانی توسط گروه نرم افزاری رسانه