صدر جامعہ روحانیت بلتستان پاکستان کی جانب سے حجت الاسلام بہشتی کو شعبہ مشہد کے صدر منتخب ہونے پر مبارک باد

صدر جامعہ روحانیت بلتستان حجت الاسلام محمد حسین حیدری نے کہا ہے کہ ماہ عبادت و بندگی رجب المرجب کی آمد اور اس ماہ مبارک کی اعیاد سعیدہ خاص طور پر ولادت مولائے کائنات امیر المؤمنین علی ابن ابی طالب علیہ آلاف التحیۃ و الثناء کی مناسبت سے ہدیہ تبریک و تہنیت پیش کرتا ہوں انتہائی مسرت کا مقام ہے کہ ہیئت محترم نظارت جامعہ روحانیت بلتستان پاکستان شعبہ مشہد الرضا علیہ السلام کے برزگان نے شعبہ مشہد کی مسئولیت کے لئے متفقہ طور پر آپ جیسے عالم، مخلص، متدین اور متعہد فرد کا انتخاب کیا۔

ہم اس موقع پر عموم علماء و طلاب ذوی الاحترم بلتستان مقیم مشہد الرضا علیہ السلام کو اس بابرکت انتخاب پر تبریک و نہنیت پیش کرتے ہیں
اسی طرح اس حسن انتخاب پر ہیئت محترم نظارت شعبہ مشہد کے بھی شکر گزار ہیں کہ جنہوں نے اپنی بصیرت اور مصلحت اندیشی سے بہترین فیصلہ کیا۔ ہم امید واثق رکھتے ہیں کہ آپ کی مدبرانہ اور دور اندیشانہ قیادت میں شعبہ مشہد اپنے مقاصد عالیہ کے حصول میں پہلے سے بڑھ کر فعال ہوگا۔ تمام طلاب و علمائے بلتستان کی نیک تمنائیں اور خالصانہ دعائیں آپ کے ہمراہ ہیں۔ ان شاء اللہ کے جناب عالی اپنی بالغ نظری اور عالمانہ حکمت عملی سے تمام علما و طلاب محترم مشہد الرضا علیہ السلام اللہ درمیان اتحاد و یگانگت کی مضبوطی کا باعث بنیں گے اور ایک بہترین کابینہ تشکیل دے کر علما و طلاب کی خدمت اور دین مبین اسلام کی سربلندی کے لئے کوشاں رہیں گے۔ اللہ تبارک و تعالی کی بارہ گاہ میں دعا گو ہیں کہ اس مبارک انتخاب کو بحق معصومین علیہم السلام تمام علماء اور طلاب محترم بلتستان کے باعث خیر قرار دے اور آپ اور آپ کی ٹیم کی توفیقات میں اضافہ فرمائے اور ہم سب کو دین و ملت کی خدمت میں سرخرو فرمائے اور ہماری نیت اور عمل کو اس قابل بنائے کہ ہم اپنے ولی امر حضرت حجت عج اللہ تعالی فرجہ الشریف کے حضور سر اونچا رکھ سکیں اور ان کی رکاب میں عدل و قسط کی حکومت میں بھی فریضہ سربازی ادا کرسکیں۔

واللہ الموفق المعین بالنبی و آلہ صلوات اللہ علیہ و علیہم اجمعین

محمد حسین حیدری
صدر جامعہ روحانیت بلتستان پاکستان قم المقدس

Comments (0)

There are no comments posted here yet

Leave your comments

Posting comment as a guest.
0 Characters
Attachments (0 / 3)
Share Your Location

This e-mail address is being protected from spambots. You need JavaScript enabled to view it.  Etaa

طراحی و پشتیبانی توسط گروه نرم افزاری رسانه