اشرف غنی رسمی طور پر افغانستان کے نئے صدر

واضح رہے کہ آج افغان دارالحکومت کابل میں اشرف غنی اور عبداللہ عبداللہ نے ایک تقریب میں شراکت اقتدار کے معاہدے پر دستخط کئے اور اس موقع پر موجودہ صدر حامد کرزئی بھی موجود تھے۔ معاہدے کے تحت اشرف غنی ملک کے نئے صدر جب کہ عبداللہ عبداللہ چیف ایگزیکٹو ہوں گے جس کا عہدہ اور اختیارات وزیر اعظم کے مساوی ہوں گے۔واضح رہے کہ اپریل میں ہونے والے صدارتی انتخابات کے پہلے مرحلے میں کوئی بھی امیدوار 50 فیصد ووٹ حاصل نہیں کرپایا تھا جس کے بعد 14 جون کو اشرف غنی اور عبداللہ عبداللہ میں انتخابات کا دوسرا راؤنڈ ہوا تھا جس کے ابتدائی نتائج میں اشرف غنی کو تقریباً 56 فیصد ووٹ ملے تھے لیکن عبداللہ عبداللہ نے نتائج کو ماننے سے انکار کردیا تھا۔