الیکشن کمیشن کے ترجمان حجۃ الاسلام والمسلمین شیخ غلام محمد شاکری کے مطابق صدارتی امیدوار کل چھ تھے جن میں سے تیں افراد انتخابات سے قبل دستبردار ہوئے ۔ جس کے نتیجے میں صدارتی انتخابات کے لے مقابلہ حجۃ الاسلام سید احمد رضوی ، حجۃ الاسلام شیخ محمد حسین حیدری اور حجت الاسلام شیخ کاشف رضوانی کے مابین ہوا ۔
جن میں سید احمد رضوی 359 ووٹ لیکر دوسال کے لئے دوبارہ جامعہ روحانیت بلتستان کا صدر منتخب ہوئے۔
مجلس جامعہ روحانیت کے لے کل 47 افراد نے بعنوان امیدوار انتخابات میں حصہ لیا تھا جن میں سے 25 افراد دوسال کے لے جامعہ روحانیت کی مجلس کے رکن منتخب ہوئے۔
جامعہ روحانیت کے آئین کے مطابق اجرائی کاموں کے مکمل اختیارات صدر جبکہ قانون گزاری کا حق مجلس کے پاس ہے ۔