حجت الاسلام والمسلمین سید احمد رضوی کا آیت الله ہاشمی شاہرودی کی رحلت پر اظہار تعزیت

انکی وفات انقلاب اسلامی اور مسلمانون کا بڑا نقصان ہے، مرحوم امام خمینی ؒ کی قیادت سے لیکر امام خامنہ ای کی قیادت تک انقلاب اسلامی کے صف اول کے مدافع رہے۔

انکا مزید کہنا تھا کہ آیت اللہ ہاشمی شاہرودی کی ناگہانی وفات پر جامعہ روحانیت بلتستان پاکستان کے تمام علماء کرام کی جانب سے رہبر انقلاب اسلامی آیت اللہ خامنہ ای اور مرحوم کے پسماندگان کی خدمت میں ہدیہ تعزیت پیش کرتی ہے۔

واضح رہے کہ تشخیص مصلحت نظام کونسل کے چیئرمین آیت الله ہاشمی شاہرودی کا کل 70 سال کی عمر میں انتقال ہوگیا ہے۔ آیت الله ہاشمی شاہرودی 1327 شمسی میں نجف اشرف میں پیدا ہوئے۔ آیت الله ہاشمی شاہرودی کئی سال تک نگہبان کونسل کے رکن رہے، جبکہ رہبر معظم انقلاب اسلامی حضرت آیت اللہ العظمیٰ سید علی خامنہ ای نے انہیں عدلیہ کا سربراہ منتخب کیا اور وہ 1378 سے 1388 شمسی تک عدلیہ کے سربراہ کے عہدے پر فائز رہے اور آج 70 سال کی عمر میں اس دنیا سے کوچ کر گئے۔