سائنس نے ثابت کر دیا کہ محبت صحت کے لیے کتنی ضروری ہے

 محبت کے ان کرشموں کو اب جدید سائنس نے بھی ثابت کردیا ہے جرمنی کی یونیورسٹی آف جینا اینڈ کیسل کے ماہرین نفسیات نے ایک تحقیق میں ثابت کیا ہے کہ اگر آپ کا کسی کے ساتھ پیار کا رشتہ ہے اور آپ ایک دوسرے سے محبت کرتے ہیں تو اس کے اثرات آپ کی شخصیت اور صحت پر حیران کن حد تک اچھے ہیں۔ ماہرین نے ثابت کیا ہے کہ پیار کرنے والوں کی شخصیت کی تعمیر مثبت طور پر ہوتی ہے۔ یہ لوگ زیادہ متوازن شخصیت اور مزاج کے حامل ہوتے ہیں۔ ان میں ذہنی پریشانی، بے چینی، غصہ اور گھبراہٹ جیسے مسائل بہت کم ہوتے ہیں۔ یہ تحقیق جرنل آف پرسنالٹی کے آن لائن ایڈیشن میں شائع ہوتی ہے۔ تحقیق کاروں نے محبت کے فوائد پر بات کرتے ہوئے کہا کہ یہ سکون آور ادویات سے بھی زیادہ کارگر ہے۔ مثال کے طور پر ویلیم جو کہ سکون آور دوا کے طور پر استعمال ہوتی ہے، کے مقابلے میں محبت اور پیار پر مبنی رشتے ذہن اور جسم کیلئے کہیں زیادہ سکون اور اطمینان کا باعث ہے اور اہم بات یہ ہے کہ ذہنی دباﺅ کم کرنے اور سکون حاصل کرنے کیلئے استعمال ہونے والی ادویات کے باشمار مضر اثرات ہیں جبکہ محبت کے کوئی سائیڈ ایفیکٹ نہیں ہیں۔

شفقنا اردو