شدید برف باری نے بلتستان میں ہر طرف نظام زندگی مفلو ج کر دیا

شدید بر ف باری سے چنداہ اور سکردو کے درمیان زمینی رابطہ منقطع ہو گیا۔چندا ہ روڈ جگہ جگہ پر لینڈ سلائیڈنگ کے با عث تباہ ہو گیابرف باری سے تباہ ہونے والے پندہ پل کا افتتاح پچھلے سال جولائی میں وزیر تعمیرات ڈاکٹر اقبال نے کیا تھا مگر ہفتہ کے روز ہونے والی برف باری سے پل ٹوٹ گیاشدید برف باری کی وجہ سے بلتستان کے چاروں اضلاع میںبجلی کی ٹرانسمیشن لائنیں بھی تبا ہ ہو گئیںجس کے باعث چاروں اضلاع میں بجلی کی سپلائی معطل ہو گئی۔برگے نالہ میں برف باری سے دو مکانات مکمل تباہ ہو گئے۔شدید برف باری نے بلتستان میں ہر طرف نظام زندگی مفلو ج کر دیا۔مارکیٹیں سنساں رہیں۔سڑکوں پرٹریفک نہ چل سکی۔ تمام لوگ گھروں میں محصور ہو کر رہ گئے۔ کمشنر بلتستان عاصم ایو ب نے تمام نقصانا ت کی فہرست تیار کرنے کی ہدایت کرتے ہوئے کہا ہے کہ برف باری سے متاثر ہونے والے علاقوں کی بحالی کے لیے ہنگامی اقدامات کیئے جائینگے۔ڈپٹی کمشنر سکردو کپٹین (ر)ندیم ناصر نے کہا ہے کہ متاثرین کی ہر ممکن مدد کی جائے گی اور انہیں بے سروسامان نہیں چھوڑیںگے بحا لی اورتعمیر نو کیلئے اقدامات جلد شروع کریںگے۔کوئی شک نہیں کہ شدید برف باری ہوئی ہے جس سے تباہی مچ گئی ہے ادھر بتایا گیا ہے کہ بلتستان میں ہونے والی حالیہ برف باری نے20سالہ ریکارڈ توڑ دیا ہے۔ شگر میں بھی شدید برف باری نے گزشتہ بیس سالہ ریکارڈ توڑ دیا۔ شگر سنٹر میں تقریبا ڈیڑھ فٹ اور بالائی علاقوں میں پانچ فٹ سے زائد برف باری ریکارڈ کی جاچکی ہے۔ شدید برف باری کے بعد شگر میں نظام زندگی درہم برہم ہوکر رہ گئی ہے۔ رات گئے درخت اکھڑ نے سے درجنوں جگہوں پر بجلی کے کھمبے اور لائنیں ٹوٹ جانے کی وجہ سے پورے شگر میں بجلی کی سپلائی معطل ہو گئی۔دوسری جانب آپٹیکل فائبر بریک ہونے سے ٹیلیفون اور ڈی ایس ایل بھی بند ہوگئے ہیں۔

بشکریہ Daily k2