محبان اہلبیت کو بے دردی سے شہید کرنا ملکی سالمیت کو خراب کرنےکی ناکام کوشش ہے/ سید احمد رضوی
جامعہ روحانیت بلتستان کے صدر سید احمد رضوی نے کراچی ٹارگٹ کلنگ کے مختلف واقعات پر شدید رد عمل کا اظہار کرتے ہوئے کہا محبان اہلبیت کو بے دردی سے شہید کرنا ملکی سالمیت کو خراب کرنےکی ناکام کوشش ہے۔
انہوں نے شیعہ علماء کونسل پاکستان صوبہ سندھ کے نائب صدر سید محمد علی شاہ کی ٹارگٹ کلنگ کی شدید الفاظ میں مذمت، قاتلوں کی فوری گرفتاری کا مطالبہ کیا ہے۔
انہوں نے مزید کہا وطن عزیز میں آئے روز محبان اہلبیت اور امن و امان کے علمبرداروں کو بے دردی سے شہید کرنا ملکی سالمیت اور پر امن فضا کو خراب کرنےکی ناکام کوشش ہے، ریاستی اداروں کی ذمہ داری بنتی ہے کہ محب وطن افراد کو تحفظ و امنیت فراہم کیا جایے اور دہشت گردوں سے آہنی ھاتھوں سے نمٹنے اور کیفر کردار تک پہنچانے میں موثر اقدامات کیا جایے۔
ھم اس واقعے کی شدید الفاظ میں مذمت کرتے ہیں اور انتظامیہ سے مطالبہ کرتے ہیں کہ اس واقعے میں ملوث عناصر کو قرار واقعی سزا دی جایے.
اللہ تعالی شہید کے لواحقین کو صبر جمیل کی توفیق اور شہید کو سید الشھدا کے ساتھ محشور فرمایے.
دیدگاهتان را بنویسید