محترمہ رفعت مسعود یوم آزادی کی مناسبت اور ایران میں سفیر کا عہدہ سنبھالنے پر مبارکباد

جامعہ روحانیت بلتستان کا ایک اعلی سطحی وفد صدر ج ر ب جناب حجت الاسلام سید احمد رضوی کی قیادت میں سفارت اسلامی جمہوریہ پاکستان تہران کی دعوت پر جشن آزادی پاکستان کی تقریب میں شرکت کے لئے تہران گیا۔ تہران میں منعقدہ تقریب اسلامی جمہوریہ پاکستان کی 71 ویں سالگرہ یوم آزادی کی مناسبت سے رکھی گئی تھی۔۔ 

 ج ر ب  کے وفد نے جشن آزادی  کی تقریب کے بعد سفیر اسلامی جمہوریہ پاکستان محترمہ رفعت مسعود  سے ملاقات کی۔

صدر ج ر ب نے سفیر سے ج ر ب کے بارے میں تفصیلی گفتگو کی اور ج ر ب کے مختلف شعبہ جات میں فعالیتوں کا  تذکرہ کرتے ھوئے    انہوں نے کہا کہ  ا ب تک  کئی پی ایچ ڈیز المصطفی انٹر نیشنل اسلامک یونیورسٹی سے فارغ ہو کر ملک خداداد پاکستان میں مختلف  تعلیمی مراکز میں خدمات انجام دے رہے ہیں۔ اس کے علاوہ کثیر تعداد  میں طلبا ڈاکٹریٹ  اور ایم فل کرنے میں مشغول ہیں۔

صدر ج ر ب نے قم المقدسہ میں طلاب کے  بچوں کے  لئے پاکستانی سکولینگ سیسٹم کی بنیاد  ی ضرورت پر گفتگو کی۔  محترمہ سفیر نے  اس کے پروسس کے بارے میں تفصیلات مانگی۔ امید ہے اس سلسلے میں مزید پیشرفت ہوگی۔