حکومت اپنی مدت 31مئی 2018 کو پور ی کرے گی، انتخابات مقررہ وقت پر ہوں گے ، وزیراعظم

حکومت کی مثبت پالیسیوں کی وجہ سے آج کراچی کی رونقیں بحال ہوئیں، کراچی میں پاکستان سپر لیگ کرکٹ ٹورنامنٹ کا انعقاد حکومت کی مثبت پالیسیوں کا نتیجہ ہے ، کراچی کی رونقیں بحال ہونے پر دلی خوشی محسوس ہورہی ہے، کراچی کی روشنیاں اور امن بحال ہوا ہے ، حکومت کے بنیادی مقاصد میں ملک کی معیشت کو استحکام دینا اور ملک میں امن وامان قائم کرنا شامل ہوتے ہیں ۔ا توارکو کراچی میں بزنس کمیونٹی سے تعلق رکھنے والے افراد سے ملاقات کے دوران شاہد خاقان عباسی نے کہا ہے کہ کراچی میں آج پاکستان سپر لیگ کرکٹ ٹورنامنٹ کی صورت میں جو رونقیں نظر آرہی ہے یہ پاکستان مسلم لیگ ن کی حکومت کی مثبت پالیسیوں کا نتیجہ ہے۔ انہوں نے کہا کہ سینٹ انتخابات میں کچھ سیاسی جماعتوں کی وجہ سے پارلیمنٹ کا وقار مجروح ہوا ہے۔ انہوں نے کہا کہ کچھ سیاسی جماعتوں کا یہ طرز عمل ملک میں جمہوریت کے لئے درست ثابت نہیں ہوگا۔ انہوں نے کہا کہ 2013 سے پہلے لوگ کراچی سے باہر منتقل ہونے کا سوچ رہے تھے لیکن آج یہاں رونقیں بحال ہوء ہے۔ وزیراعظم نے کہا کہ ملک میں پالیسیوں کا تسلسل جاری رہنا چاہئیتاکہ سرمایہ کاروں کا اعتماد بحال رہے۔ انہوں نے کہا کہ ہمارے وسائل محدود ہیں۔ انہوں نے کہا کہ بعض اوقات مشکل فیصلے بھی کرنے ہوتے ہیں لیکن ہماری کوشش رہی ہے کہ ایسے فیصلے کئے جائیں جس سے معاشی نمو کو یقینی بنایا جاسکے۔ وزیر اعظم نے کہا کہ جب جی ڈی پی کی ترقی نہیں ہوتی اور افراط زربڑھ جاتا ہے تو ملک ترقی نہیں کر سکتا۔دوسری جانب وزیراعظم شاہد خاقان عباسی نے کہا ہے کہ چوہدری نثار کو پارٹی ٹکٹ دینے کا فیصلہ مسلم لیگ (ن) کا پارلیمانی بورڈ کرے گا’ انتخابات میں پارتی ٹکٹ دینے کا فیصلہ کوئی ایک فرد نہیں کرتا۔ اتوار کو ترجمان وزیراعظم نے پرویز رشید کے چوہدری نثار کو پارٹی ٹکٹ نہ دینے کے بیان پر ردعمل دیتے ہوئے کہا کہ انتخابی ٹکٹ سے متعلق فیصلے مشاورت سے ہوتے ہیں۔ انتخابی ٹکٹ سے متعلق کوئی ایک فرد فیصلہ نہیں کرتا۔ انتخابات میں پارٹی ٹکٹ دینے کا فیصلہ (ن) لیگ کا پارلیمانی بورڈ کرتا ہے۔ چوہدری نثار کو ٹکٹ دینے کا فیصلہ بھی پارلیمانی بورڈ کرے گا۔