عراق کے مختلف شہروں میں دہماکے 45 افراد جاں بحق درجنوں زخمی

ادھرالعالم ٹی وی چینل نے رپورٹ دی ہے دار الحکومت بغداد میں نمازیوں کو نشانہ بنا کر کئے گئے خودکش حملے میں کم از کم 15 افراد جاں بحق اور 32 دیگر زخمی ہوگئے۔ سیکورٹی ذرائع کے حوالے سے بتایا گیا ہے کہ یہ دھماکہ پیر کو مشرقی بغداد میں اس وقت ہوا جب ایک خود کش حملہ آور نے شیعہ مسلمانوں کی مسجد سے نماز ظہر ادا کرکے نکل رہے نمازیوں کے درمیان خود کو دھماکے سے اڑا دیا۔ اس دہشت گردانہ حملے میں کم از کم 26 افراد زخمی بھی ہوئے ہیں۔ ابھی تک کسی گروہ یا شخص نے اس حملے کی ذمہ داری قبول نہیں کی ہے تاہم اس طرح کے حملوں میں تکفیری بعثی دہشت گرد ملوث ہوتے ہیں۔
دوسری جانب عراق کے صوبے بابل کے مرکز حلہ شہر میں ہونے والے دو کار بم دہماکوں کے نتیجے میں تیرہ افراد جاں بحق اور پندرہ زخمی ہوئے ہیں جبکہ ان بم دہماکوں میں چالیس سے زیادہ گاڑیوں کو شدید نقصان پہنچا ہے۔ دوسری جانب عراق کے موصل شہر میں دہشتگرد گروہ داعش کے ایک ٹھکانے میں ہونے والے کار بم دہماکے میں دسیوں دہشتگرد ہلاک ہوگئے ہیں۔

…….