امام موسی کاظم علیہ السلام کے زائرین پر خود کش حملے، ۱۱ زائر شہید

یہ حملے آج بروز جمعرات بوقت عصر بغداد کے علاقے’’منصور‘‘ اور ’’باب الشرجی‘‘ میں ہوئے ہیں۔ ان خود کش حملوں میں دونوں جگہ حرم امام موسی کاظم علیہ السلام کے زائرین کو نشانہ بنایا گیا ہے جو آپ کی شہادت کے ایام میں آپ کے حرم کی طرف رواں دواں تھے۔
اس رپورٹ کے مطابق منصور کے علاقے میں ہوئے حملے میں ۸ زائر شہید جبکہ ۲۶ زخمی ہوئے ہیں۔
اور باب الشرجی میں ہوئے دھماکے میں ۳ زائر شہید جبکہ متعدد زخمی ہوئے ہیں۔
امام موسی کاظم علیہ السلام کے ایام شہادت میں ہر سال عراق کے گوشہ و کنار سے زائرین پیدل چل کر حرم مطہر میں آتے ہیں آج کے حملوں کا نشانہ بننے والے زائرین بھی پیدل کاظمیہ کی طرف جا رہے تھے جنہیں بغداد میں دھشتگردانہ حملوں کا نشانہ بنایا گیا۔
واضح رہے کہ بعض نیوز ایجنسیوں نے ان دو حملوں میں شہید ہونے والوں کی تعداد ۲۰ بیان کی ہے تاہم اس تعداد کی تصدیق نہیں ہو پائی ۔