اس موقع پر انکے ہمراہ علامہ ناظر عباس تقوی، علامہ جعفر سبحانی، علامہ شیخ مرزا علی اور دیگر علماء کرام بھی موجود تھے۔ ملاقات کے دوران قومی و علاقائی صورتحال پر تفصیلی گفتگو کی گئی۔ علامہ شبیر حسن میثمی نے آغا سید راحت حسینی کو اسلامی تحریک پاکستان کی سیاسی حکمت عملی سے آگاہ کرتے ہوئے ان سے بھی آئندہ انتخابات کے حوالے سے تجاویز مانگیں۔ اس موقع پر آغا سید راحت حسین الحسینی نے اپنی تجاویز اور آراء وفد کے سامنے پیش کیں۔ اس موقع پر علامہ شبیر حسن میثمی نے واضح کیا کہ اسلامی تحریک پاکستان کے قائد علامہ سید ساجد علی نقوی کی پالیسی پر عمل کرتے ہوئے گلگت بلتستان کے بزرگ علماء، عمائدین اور تنظیمی عہدیداران سے مشاورت اور انکو اعتماد میں لیکر ہی ہم اپنی سیاسی حکمت عملی طے کرکے آئندہ کے لائحہ عمل کا اعلان کرینگے۔