عالمی رہنماؤں کی جانب سے تہران حملوں کی پُرزور مذمت

عالمی رہنماؤں بالخصوص اقوام متحدہ کے سربراہ، یورپی یونین کے اعلی حکام، علاقائی ریاستیں اور مختلف ممالک کی قیادت نے تہران میں داعش کے حملوں کی پُرزور مذمت کرتے ہوئے ایرانی قوم اور حکومت کے ساتھ اپنی ہمدردی اور یکجہتی کا اظہار کیا.

علاقائی اور عالمی رہنماؤں نے تہران کے واقعے کچھ لمحے کے بعد اپنے خصوصی پیغامات اور ایرانی قیادت کے ساتھ ٹیلی فونک رابطوں میں دہشتگردوں کی سفاکانہ کاروائیوں کی بھرپور انداز میں مذمت کی.

حکومت پاکستان، پاکستانی اسپیکر’سردار ایاز صادق’، پاکستان کے سینئر رکن پارلیمنٹ اور سابق وزیر خارجہ ‘شاہ محمود قریشی’، پاکستانی سینٹ کے چیئرمین ‘میاں رضا ربانی’، پاکستان کے سابق وزير داخلہ ‘آفتاب احمد خان شيرپائو’، پاکستان کے قومی پارلمانی رکن ‘رانا محمد افضل’ اور ‘طاہر حسين مشہدی’ نے بدھ کے روز دہشت گردوں کی جانب سے ایرانی پارلیمنٹ اور امام خمینی کے روضے پر حملوں کی شدید الفاظ میں مذمت کی ہے.

بھارتی وزیر خارجہ ‘سوشما سواراج’ نے بدھ کے روز اپنے ایرانی ہم منصب سے بات چیت کرتے ہوئے کہا کہ بھارتی قوم اس مشکل کی گھڑی میں ایرانی قوم کے ساتھ اظہار یکجہتی کرتی ہے.

امریکہ کی خارجہ تعلقات کونسل کے چئیرمین ‘رچرڈ ہاس’ نے اپنے ٹویٹر پیغام میں ڈونلڈ ٹرامپ سے مطالبہ کیا کہ وہ تہران کے دہشتگردانہ حملوں کی مذمت کرے.

یورپی پارلیمنٹ کے اسپیکر ‘انتونیو تاجانی’ اور یورپی یونین کی خارجہ پالیسی کی سربراہ ‘فیڈریکا مغرینی’ نے تہران میں ہونے والے دہشتگردی کے واقعات کو افسوسناک قرار دیتے ہوئے اسلامی جمہوریہ ایران کی قوم اور پارلیمنٹ کے ساتھ اپنی یکجہتی کا اظہار کیا.

لبنانی پارلیمنٹ کے اسپیکر ‘نبیہ بری’ نے ایرانی سپریم لیڈر، صدر مملکت اور اپنے ہم منصب کے نام علیحدہ پیغامات میں تہران کے دہشتگردی واقعات کی شدید مذمت کرتے ہوئے کہا ہے کہ اسلامی جمہوریہ ایران دہشتگردی کے خلاف جنگ میں فرنٹ لائن پر ہے.

تہران میں حالیہ دہشت گردی کاروائیوں کے رد عمل میں عراقی صدر فواد معصوم نے اپنے ایرانی ہم منصب حسن روحانی کو ایک پیغام میں ان بزدلانہ حملوں کی پرزور مذمت کی ہے.

روس کے صدر ویلادیمیر پوٹن نے اسلامی جمہوریہ ایران کے دارالحکومت تہران میں ہونے والے دو دہشت گردانہ حملوں کی بھرپور مذمت کی ہے.

جمہوریہ آذربائیجان کے وزیر خارجہ ‘ایلمار محمد یاروف’ نے اپنے ایرانی ہم منصب کے ساتھ ایک ٹیلی فونک رابطے میں ایرانی دارالحکومت تہران میں دو دہشتگردی واقعات کی مذمت کرتے ہوئے ایرانی حکومت اور قوم کے ساتھ تعزیت اور ہمدردی کا اظہار کیا.

ليتھوينيا کی وزارت خارجہ نے دہشت گردی کے حملوں ميں جان بحق ہونے والے افراد کے لواحقين کے ساتھ ہمدردی کا اظہار کيا گيا ہے.

اقوام متحدہ کی سلامتی کونسل نے اپنے ایک پیغام میں تہران میں بزدلانہ حملوں کی شدید مذمت کرتے ہوئے ایرانی قوم اور حکومت کے ساتھ تعزیت اور ہمدردی کا اظہار کیا گیا.

آسٹریلوی وزیر خارجہ ‘جولی بیشاپ’ نے آج بروز جمعرات تہران کے دہشتگردی واقعات کی شدید الفاظ میں مذمت کرتے ہوئے ایرانی قوم کے ساتھ ہمدردی کا اظہار کیا.

عراقی حکام اور سائنسی اور ثقافتی کرداروں نے بدھ کی رات ایرانی دارالحکومت تہران میں ہونے والے دہشتگردی واقعات کی مذمت کی ہیں.

نکاراگوا کے صدر ‘دنیل اورتاگا’ اور ان کی نائب ‘روساریو موریو’ نے اپنے ایک پیغام میں تہران کے دہشتگردی واقعات کی شدید مذمت کرتے ہوئے ایرانی سپریم لیڈر، ایرانی صدر اور قوم کے ساتھ تعزیت اور ہمدردی کا اظہار کیا.

قبرصی حکومت نے اپنے ایک پیغام تہران میں حالیہ دہشتگردی حملوں کی شدید مذمت کرتے ہوئے اور ایرانی حکومت کے ساتھ اپنی تعزیت کا اظہار کیا.

تیونس کی پارلیمانی اراکین ‘محرزیہ العبیدی، مبارکہ البراہمی اور عبدالعزیز القطی’ نے اپنے ایک پیغامات میں ایرانی دارالحکومت تہران میں ہونے والے دو دہشت گردانہ حملوں کی بھرپور مذمت کی ہے.

ناروے کے وزیر خارجہ ‘بورگہ برندہ’ نے اپنے ٹوئیٹر پیج میں تہران میں گزشتہ روز دہشتگردی واقعات کی شدید الفاظ میں مذمت کی ہے.

آرمینی صدر ‘سرژ سرکیسیان’ نے بدھ کے روز ایک پیغام میں اپنے ایرانی ہم منصب ‘حسن روحانی’ کو تہران میں دو دہشتگردی واقعات کی مذمت کرتے ہوئے ایرانی حکومت اور قوم کے ساتھ تعزیت اور ہمدردی کا اظہار کیا گیا.

ایکواڈور کی حکومت نے بدھ کے روز (مقامی وقت) پر ایک بیان میں تہران میں دہشت گردانہ حملوں کی مذمت کرتے ہوئے بین الاقوامی برادری سے اس لعنت کو خاتمہ کرنے کے لئے باہمی تعاون کا مطالبہ کیا.

روس کی پارلیمنٹ ڈوما کے چیئرمین ‘ ویاچسلاو والودین’ نے ایک پیغام میں اپنے ایرانی ہم منصب ‘علی لاریجانی’ کو تہران کے حالیہ دہشتگردی واقعات کی بھرپور مذمت کی ہے.

آئرلینڈی وزیر ‘پت برین’ نے بدھ کے روز اس ملک میں تعینات ایرانی سفیر ‘جواد کچوئیان’ کے ساتھ ایک ٹیلی فونک رابطے میں تہران میں ہونے والے حالیہ دہشتگردانہ حملوں کی مذمت کی.