چیف جسٹس نے قصور واقعے کا ازخود نوٹس لے لیا، چوبیس گھنٹے میں رپورٹ طلب
چیف جسٹس آف پاکستان میاں ثاقب نثار نے قصور میں 7 سالہ بچی زینب کے ساتھ پیش آنے والے واقعے کا ازخود نوٹس لیتے ہوئے آئی جی پنجاب سے چوبیس گھنٹے میں رپورٹ طلب کرلی ہے۔
سپریم کورٹ کی جانب سے جاری اعلامیہ کے مطابق چیف جسٹس میاں ثاقب نثار نے قصور میں 7 سالہ زینب کے ساتھ زیادتی کے بعد قتل کے واقعے کا واقعے کا از خود نوٹس میڈیا رپورٹس سے لیا ہے۔ چیف جسٹس نے آئی جی پنجاب سے چوبیس گھنٹے میں رپورٹ طلب کرلی ہے۔
واضح رہے کہ بچی کے والدین اپنی بیٹی کی میت کو تدفین سے انکار کرچکے ہیں۔ ان کا مطالبہ ہے کہ جب تک قاتلوں کی گرفتاری نہ ہوجائے وہ اپنی بیٹی کی تدفین نہیں کریں گیں۔
اسلام آباد میں میڈیا سے گفتگو کرتے ہوئے زینب کے والد نے سپریم کورٹ آف پاکستان اور آرمی چیف سے انصاف کی اپیل کی تھی۔
اس سے قبل قصور کے علاقے روڈ کوٹ سے چار روز قبل اغواء کی جانے والی 7 سالہ بچی زینب کی لاش برآمد ہوئی۔ سفاک ملزمان نے زینب کو زیادتی کے بعد گلا دبا کر قتل کرنے کے بعد لاش کو کوڑے کے ڈھیر پر پھینک دیا تھا۔
این مطلب بدون برچسب می باشد.
دیدگاهتان را بنویسید