سعودی عرب میں پہلا شیعہ وزیر

رپورٹ کے مطابق سعودی عرب کے بادشاہ عبداللہ بن عبدالعزیز نے پارلیمانی امور کے وزیر سعود المتحمی کو ان کے عہدے سے برطرف کر کے ان کی جگہ محمد بن فیصل ابوساق کو پارلیمانی امور کا وزیر مقرر کیا ہے۔ واضح رہےکہ محمد بن فیصل ابو ساق کا تعلق شیعہ مذہب سے ہے۔ وہ فوجی ہیں اور سعودی عرب کی نیشنل گارڈ کی وزارت میں وہ میجر جنرل کے عہدے پر فائز تھے۔ اور اس سے قبل وہ پارلیمنٹ میں سیکورٹی کمیشن کے سربراہ بھی رہ چکے ہیں۔ واضح رہے کہ اس سے قبل سعودی عرب کے بادشاہ نے نائب وزیر دفاع خالد بن بندر کو ان کی تقرری کے صرف پینتالیس دنوں کے بعد ہی برطرف کردیا تھا جس سے اس بات کا پتہ چلتا ہے کہ عراق اور خطے کی صورتحال کے پیش نظر سعودی عرب کی وزارت دفاع میں مزید تبدیلیاں آنے والی ہیں۔

…….