لگن اور جذبے سے ہر قسم کے حالات کا مقابلہ کیا جاسکتا ہے، آرمی چیف جنرل راحیل شریف –

دہشتگردی کیخلاف جنگ میں آگے رہ کر لڑنا افسروں کی فخریہ روایات ہیں،سربراہ پاک فوج

دہشتگردی کیخلاف جنگ میں آگے رہ کر لڑنا افسروں کی فخریہ روایات ہیں،سربراہ پاک فوجشیئرٹویٹ

راولپنڈی: آرمی چیف جنرل راحیل شریف کا کہنا ہے کہ دہشت گردی کے خلاف جنگ میں ہمارے افسران نے آگے رہ کر قیادت کی اور فخریہ روایت پر عمل کیا جب کہ  لگن اور جذبے سے ہر قسم کے حالات کا مقابلہ کیا جاسکتا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے پاکستان ملٹری اکیڈمی کاکول کا دورہ کیا جہاں لیفٹننٹ جنرل قمر نوید باجوہ نے ان کا استقبال کیا۔ جنرل راحیل شریف نے پی ایم اے کی استعداد کار کے منصوبوں کا جائزہ لیا اور پی ایم اے کی فورتھ پاکستان بٹالین کا افتتاح کیا جب کہ آرمی چیف نے کیڈٹس کی تربیتی ، انتطامی سہولتوں میں بہتری کو بھی سراہا۔

اس موقع پر آرمی چیف جنرل راحیل شریف کا کہنا تھا کہ دہشت گردی کے خلاف جنگ میں ہمارے افسران نے آگے رہ کر قیادت کی اور فخریہ روایت پر عمل کیا جب کہ مستقبل کی قیادت کیلئےتمام پیشہ ورانہ امورمیں ترقی کی ضرورت ہے، لگن اور جذبے سے ہر قسم کے حالات کا مقابلہ کیا جاسکتا ہے۔