ہمیں اسلام دشمن قوتوں کے مقابلے کےلئے بچوں کی بہترتعلیم وتربیت پر توجہ دینا ہوگی،سید محمد ہادی الحسینی

 نامور خطیب وعالم دین سید محمد ہادی الحسینی نے کہاہے کہ مسلمانوں کے مابین اختلافات پیدا کرنے کےلئے نت نئی سازشیں ہورہی ہیں ہمیں واقعہ کربلا پر عمل کرتے ہوئے اسلام دشمن قوتوں کے سامنے سیسہ پلائی ہوئی دیوار ثابت ہونا ہوگا بعض عناصر عزاداری کے خلاف سازش کر رہے ہیں ایسے عناصر کو باور کرانا چاہتے ہیں کہ عزاداری ہماری شہہ رگ حیات ہے اس کو محدود کرنے کی کسی کو اجازت نہیں دیں گے محرم الحرام کی چھٹی مجلس عزاءسے خطاب کرتے ہوئے انہوں نے کہاکہ سب سے پہلے ہمیں اپنی صفوں میں اتحاد پیدا کرنا ہوگا اور اپنے بچوں کو اعلیٰ تعلیم دلانا ہوگی جب تک ہمارے بچے پڑھ لکھ کر آگے نہیں بڑھیں گے تب تک واقعہ کربلا کے خلاف ہونے والی سازشوں کا بہتر انداز میں مقابلہ نہیں کیا جاسکتا ۔ ہمیں اسلام دشمن قوتوں کے مقابلے کےلئے بچوں کی بہترتعلیم وتربیت پر توجہ دینا ہوگی۔