سادہ اور کم خرچ افطاری دینے پر آیت اللہ صافی گلپائیگانی کی تاکید

انہوں نے امام حسن عسکری علیہ السلام سے مروی ایک حدیث کی طرف اشارہ کرتے ہوئے کہا ہے کہ امام کی حدیث اس بات پر دالت کرتی ہے کہ روزے کا ایک مقصد یہ ہےکہ مالدار فقیر کی بھوک کا احساس کرے اور اس پر رحم کھائے۔
انہوں نے کہا کہ اسلام روزہ داروں کو فقیروں اور ناداروں کی مدد کرنے کی ترغیب دلاتا ہے اور افطاری کرانا بھی فقیروں اور ناداروں کی مدد کرنے کا ایک مصداق ہے۔ پیغمبر اسلام(ص) کی حدیث میں آیا ہے کہ: جو شخص روزہ دار مومن کو افطار کرائے گا تو خداوند عالم کے نزدیک ایک غلام آزاد کرنے کا ثواب پائے گا اور اس کے گزشتہ تمام گناہ معاف ہو جائیں گے۔
انہوں نے مزید کہا کہ اس عظیم ثواب کو حاصل کے لیے اس بات کا خیال رکھنا ضروری ہے کہ کبھی ہمادی افطاری کی محفلوں میں ایسے کام نہ ہونے پائیں جو اس ثواب کو کم کر دیتے ہیں جیسے بیہودہ قسم کا خرچ اور اسراف، افطاری کی محفلوں میں غیبت اور ناجائز مزاح وغیرہ۔
انہوں نے تاکید کی کہ وہ مومنین جو مالی استطاعت رکھتے ہیں عمومی جگہوں جیسے مساجد وغیرہ میں سادہ اور کم خرچ افطاری کے مراسم برپا کریں اور ان میں محتاج اور فقیر افراد کو دعوت دیں تاکہ دنیا جان لے کہ اسلام محبت اور مہربانی کا دین ہے۔