ایران: پاکستان کو چاہیے کہ سیاسی اختلافات کو پر امن طریقے سے حل کرے

وزارت خارجہ کے پریس نوٹ کے مطابق مرضیہ افخم نے اتوار کی شام، پاکستان میں رونما ہونے والی تبدیلیوں کی طرف اشارہ کرتے  ہوئے تاکید کی کہ پاکستان میں فریقین کو صبر و تحمل اور بھائی چارے کا مظاہرہ کرتے ہوئے، پاکستان کے عوام کے مفادات کے دائرے میں فیصلہ کرنا چاہیے۔ ایران کی وزارت خارجہ کی ترجمان نے وضاحت کی کہ ایران، پاکستان میں رونما ہونے والے واقعات کے حوالے سے اپنے پہلے والے موقف پر قائم ہے کہ اس ملک کے تمام سیاسی گروہوں کو چاہیے کہ وہ اختلافات کو پرامن طریقے سے حل کریں، اور ایران کا یہ خیال ہے کہ مضبوط اور مستحکم اور عوامی جمہوری اصولوں پر قائم پاکستان، اس ملک کی عوام اور تمام علاقائی ملکوں کے فائدہ میں ہے۔