ووٹ کے ذریعے باصلاحیت ، متدین نمائندوں کو انتخاب کرنا ہماری ذمہ داری ہے، صدر جامعہ روحانیت بلتستان

جامعہ روحانیت بلتستان پاکستان کے صدر جناب قبلہ حجت الاسلام والمسلمین محمدحسین حیدری نے حالیہ جامعہ روحانیت بلتستان پاکستان کے الیکشن میں علماء کرام اور طلاب سے جوق در جوق حصہ لینے کی تاکید کی ہے۔
انہوں نے کہا ہے کہ ووٹ ایک ایسی طاقت ہے جس سے مسائل کو حل کیا جاسکتاہے، ووٹ کے ذریعے باصلاحیت ، متدین نمائندوں کو انتخاب کرنا ہماری ذمہ داری ہے
ان کا کہنا تھا کہ امام خمینی ؒ کی تاکید ہے کہ لوگوں کی رائے کو اہمیت دی جائے.
لہذا بلتستان کے علماء و طلاب سے گزارش ہے کہ الیکشن میں بھر پور شرکت کریں اور بہترین و اصلح نمائندوں کے انتخاب کے ذریعے جامعہ روحانیت بلتستان کو مزید تقویت پہنچائیں۔
صدر محترم نے مزید کہناتھا (آج چونکہ ثبت نام کا آخر دن ہے ) باصلاحیت افراد ضرور صدارت اور مجلس کے الیکشن میں حصہ لیکر اپنی صلاحیتوں کے ذریعے قوم و دین و ملت کی خدمت کےلئے آگے آئیں۔۔
آپ کی یہ مخلصانہ خدمات ان شاءاللہ
دین و ملت
کی ترقی اور آپ لوگوں کےلئے زاد آخرت بنیں گی ۔