حرم مطھر امام حسین(ع) اور امام رضا(ع) کے درمیان پرچموں کے تبادلے کی تقریب

حرم امام رضا(ع) کے وفد نے آستانہ امام کا پرچم پیش کیا اور افضل شامی نے آستانہ امام حسین(ع) کے پرچم کو ایرانی وفد کے حوالے کیا۔
آستانہ امام حسین(ع) کے نمائندے افضل شامی نے تقریب سے خطاب میں کہا : یوم ولادت امام رضا پر ہر سال ایران کے مختلف شہروں میں پرچم کشائی کی تقریب منقعد ہوتی ہے اور عراق بالخصوص زیارات مقدسہ پر بھی اس پرچم کو نصب کرنے کے حوالے سے یہ تقریب منعقد کی گئی ہے۔
انہوں نے کہا : ہم بھی تعلقات میں استحکام کے لیے اس مناسبت سے مولا امام  حسین(ع) کے پرچم کو تحفے میں پیش کررہے ہیں اور اس سلسلے کو آگے بڑھانے کی کوشش کریں گے۔
الشامی نے آخر میں کہا : گذشتہ سال حرم امام رضا(ع) کے پرچم کو حرم مولا علی(ع) کے لیے پیش کیا گیا اور اس سال  یہ مقدس پرچم آستانہ امام حسین (ع) کو پیش کیا جا رہا ہے۔