ایران کی مدد کے بغیر امریکہ داعش کا خاتمہ نہیں کر سکتا

آیت اللہ رفسنجانی نے کہا کہ صرف بمباری کسی دہشتگردگرد گروہ کو ختم نہيں کرسکتی کیونکہ ہم اس بات کےشاہد ہيں کہ حالیہ کچہ دنوں میں داعش نے ترکی کے سرحدی علاقے کوبانی پرحملہ کیاہے۔
انھوں نے کہا کہ گذشتہ رات بھی امریکی اتحاد کے فوجیوں نے کوبانی کےآس پاس اس مقصدسے بمباری کی تاکہ دہشتگرد اس شہر پر قبضہ نہ کرسکيں لیکن اس شہر کے اکثر علاقوں پر دہشتگرد حملہ کررہے ہیں۔
آیت اللہ رفسنجانی نے کہا کہ خود مغرب والوں نے اطلاع دی ہے کہ داعش پر فضائی حملہ شروع ہونے کے وقت سے مختلف ملکوں سے دوسوپینتیس  دہشتگرد اس سے آملے ہيں۔ اور صرف فضائی حملوں سے ان کا صفایا نہيں کیا جاسکتا۔
آیت اللہ ہاشمی رفسنجانی نے عراق کے حالیہ واقعات کا ذکرکرتے ہوئے کہا کہ ایران نے عراق کے موجودہ مسائل کے حل کے لئے اہم کردار ادا کیا ہے۔
ہاشمی رفسنجانی نے کہا کہ اگر ابھی جنگ شروع ہوجائے تو پھر اہم کام ایرانیوں کے ہاتھوں میں ہوگا البتہ ہم یہ نہيں کہتے کہ ہم نے فوجی بھیجے ہيں لیکن ایران کے مشوروں سے ہی موصل بند اور آمیرلی شہر کو آزاد کرایاجاسکا ہے۔