امام باقر علیہ السلام
حضرت اما م محمد باقر علیہ السلام کا نصب مبارک ” والدین ” کی طرف سے حضرت رسول خدا صل اللہ علیہ وآلہ وسلم ،حضرت علی علیہ السلام حضرت اور فاطمہ زہرا سلام اللہ علیھا سے ملتا ہے ۔
حضرت امام محمد باقر علیہ السلام کے مختصر حالاتِ زندگی
آپ کی ولادت باسعادت
حضرت امام محمد باقر علیہ السلام بتاریخ یکم رجب المرجب ۵۷ ھ یوم جمعہ مدینہ منورہ میں پیدا ہوئے (اعلام الوری ص ۱۵۵ ،جلاء العیون ص ۲۶۰ ،جنات الخلود ص ۲۵) ۔
علامہ مجلسی تحریرفرماتے ہیں کہ جب آپ بطن مادرمیں تشریف لائے تو آباؤ اجداد کی طرح آپ کے گھرمیں آوازغیب آنے لگی اورجب نوماہ کے ہوئے تو فرشتوں کی بے انتہا آوازیں آنے لگیں اورشب ولادت ایک نورساطع ہوا، ولادت کے بعد قبلہ رو ہو کرآسمان کی طرف رخ فرمایا،اور(آدم کی مانند) تین بار چھینکنے کے بعد حمد خدا بجا لائے،ایک شبانہ روز دست مبارک سے نور ساطع رہا، آپ ختنہ کردہ ،ناف بریدہ، تمام آلائشوں سے پاک اورصاف متولد ہوئے۔ (جلاء العیون ص ۲۵۹)۔
روحانی انقلاب میں صبر و تحمل کا کردار/ ترجمہ: سید حسین الحسینی
ہمارے پانچویں امام کا نام محمد اور لقب باقر ہے۔اور آپ کو باقر العلوم (علوم کو شگاف کرنے والا)کہتے ہیں۔
ایک دفعہ کا ذکر ہے کہ ایک مسیحی نے تمسخر کرنے کی خاطر امام علیہ السلام کے مبارک لقب میں تحریف کر کے آپ کو "بقر” کہا
امام علیہ السلام نے ناراضگی کا اظہار کئے بغیر انتہائی سادہ لہجے میں فرمایا: میں بقر نہیں، باقر ہوں۔