روز "دحو الارض” کا مقام منزلت / تحریر و ترتیب: محسن عباس مقپون
روز "دحو الارض” کا مقام منزلت
اشاریہ
اسلامی سال کے گیارہویں مہینے کی پچیس تاریخ یعنی ۲۵ ذو القعدہ اسلامی تاریخ میں (روز دَحوُ الأرض) کے نام سے مشہور ہے، یہ دن زمین کا پانی سے باہر آنے کا دن ہے۔ بعض احادیث کے مطابق اس دن زمین کو موجودہ کائنات میں پھیلایا گیا۔ بعض احادیث سے معلوم ہوتا ہے کہ اس دن حضرت نوح کی کشتی کا کوہ جودی پر لنگر ڈالنا، حضرت ابراہیم اور حضرت عیسی کی ولادت اور حضرت آدم پر پہلی بار خدا کی رحمت کے نزول جیسے واقعات رونما ہوئے ہیں۔ اسلامی تعلیمات میں دحو الارض بافضلیت دنوں میں شمار ہوتا ہے جس میں مختلف عبادات کی سفارش ہوئی ہے من جملہ ان میں غسل کرنا، روزہ رکھنا اور نماز پڑھنا شامل ہیں۔