عقیدہ مہدویت اور مخالفین کے شبھات/غلام محمد ملکوتی
بسمہ تعالی۔
عقیدہ مہدویت اور مخالفین کے شبھات۔
مقدمہ :۔ امام زمان ؑ کی نسبت سے ہماری ذمہ داریوں میں سے ایک اہم ذمہ داری ان کی معرفت حاصل کرنا اور معرفت کی راہ میں موجود رکاوٹوں کو دور کرنا ہے۔ اسی سلسلے کی ایک ذمہ داری عقیدہ مھدویت کے سلسلے میں اٹھائے جانے والے اشکالات اور شبھات کا جواب دینا ہے۔بعض شیعہ مخالفین مھدویت کے عقیدے کو شیعوں سے مخصوص کرنے اور اس سلسلے میں بے بنیاد باتوں کو شیعوں کی طرف نسبت دینے کے ذریعے شیعوں کو ایک غیر منطقی عقیدہ رکھنے والے جاہل اور بے وقوف لوگ قرار دیتے ہیں ۔