پاکیزہ معاشرہ/تحریر:ایس ایم شاہ
اللہ تعالی نے انسان کو اشرف المخلوقات کی سند دے کر اس دنیا میں اپنا خلیفہ بنا کر بھیجا۔ اس دنیا کی چند روزہ قید حیات کو ابدی زندگی پیش خیمہ قرار دیا۔ انسان کی خلقت کا مقصد اس ذات بابرکت نے اپنی معرفت و اطاعت اور عبادت کو قرار دیا ہے۔ انسان کے تقوی کو اپنا شیوہ قرار دینے اور اللہ کی عبادت کو اپنا پیشہ قرار دینے کا فائدہ خود انسان کو ہی پہنچتا ہے اور یہ اس کے کمال کا باعث ہے۔