ایران شیعہ نجات دہندہ امام مہدی کی آمد کے لئے زمین کی تیاری کر رہا ہے / ایران مسلم دنیا پر راج کرنا چاہتا ہے

سعودی عرب کے نائب ولی عہد شہزادہ محمد بن سلمان نے ایران پر الزام لگایا ہے کہ وہ مسلم دنیا پر راج کرنا چاہتا ہے ان کے اس ریمارکس نے اسلامی جمہوریہ کے ساتھ کسی بھی قسم کی مفاہمت کو مسترد کر دیا ہے۔

”محمد بن سلمان نے یہ بات سعودی نجی ٹی وی ‘ایم بی سی کے ساتھ ایک انٹرویو، جو منگل کی رات کو مکمل طور پر نشر کیا جائے گا، پرومو انٹرویو میں انہوں نے کہا کہ “میں کس طرح ایران کے ساتھ بات چیت کر سکتا ہوںجبکہ وہ (ایران )شیعہ نجات دہندہ امام مہدی کی آمد کے لئے زمین کی تیاری کر رہا ہے اور ‘ مسلم دنیا کو کنٹرول کرنا چاہتا ہے۔

واضح رہے کہ امام مہدی علیہ السلام کا نظریہ صرف شیعہ مسلمانوں کا نہیں بلکہ پوری امت کا مسلمہ نظریہ ہے، آل سعود کے اس شہزادے کی جانب سے جاری ہونے والے کلمات سے ظاہر ہوگیا ہے کہ سعودی عرب پر قابض بادشاہ خاندان کا دین محمد ی (ص) سے کوئی تعلق نہیںہے، اور وہ امام مہدی (ع) کے خلاف فوج تیار کررہے ہیں۔

اس انٹرویو سے ظاہر ہوگیا ہے کہ آل سعود کے عزائم کیا ہے؟اس بات کا خیال رہے کہ امام مہدی علیہ السلام کی آمد کا خوف سب سے زیادہ اسرائیل کو ہے، لہذا آل سعود کے طاقت ور شخص کا امام مہدی کی آمد کو متنازعہ بنانا انکی اسرائیلی دوستی و ہم نشینی کا ثبوت ہے۔