کردستان کو عراق سے الگ کرنے کی کوشش شروع

 مسعود بارزانی نے آج  سی این این ٹی وی چینل کے ساتھ اپنے انٹرویو میں عراق میں سنیوں کے لئے خاص علاقے کے تعین کی بات کہی ہے۔ مسعود بارزانی نے کہا کہ اگلے کچھ ماہ کے اندر اندر وہ اس علاقے کی خود مختاری کے لئے ریفرنڈم کرائیں گے۔ انہوں نے اسے كردوں کا فطری حق بتایا۔ بارزانی نے عراق کے موجودہ حساس حالات سے غلط فائدہ اٹھاتے ہوئے كردوں کے لیے علیحدہ علاقے کا مطالبہ کیا ہے۔ عراق کے كردستان علاقے کے سربراہ نے اس سے پہلے اقوام متحدہ کے ایک عہدیدارکے ساتھ ملاقات میں كركوك کے كردستان میں شامل  ہونے کے سلسلے میں اقوام متحدہ سے حمایت کا مطالبہ کیا تھا۔ پیر کو صیہونی وزیر اعظم نیتن یاہو نے کہا تھا کہ ہمیں عراق کے كردستان علاقے کی آزادی کی حمایت کرنا چاہئے۔واضح رہے کہ عراق میں رہنے والے کردوں کا خیال ہے کہ کرکوک شہر دراصل کرد علاقہ ہے جسے کردستان کے تحت ہوناچاہئے جبکہ اس کے برعکس عراق کی مرکزی حکومت کا کہنا ہے کہ کرکوک شہر کا تعلق تمام عراقیوں سے ہے۔