امن کے گہوارے میں آگ لگانے کی ناکام کوششیں/تحریر: ایس ایم شاہ
گلگت بلتستان امن کا گہوارہ ہے۔ خصوصا بلتستان شروع سے اب تک امن کا گہوارہ رہا ہے اور اللہ تعالی کے فضل و کرم اور علمائے کرام کی صحیح اسلامی تبلیغ کے نتیجے میں اس پرآشوب دور میں بھی امن کے گہوارے کے عنوان سے مشہور ہے۔ البتہ دشمنوں نے گلگت کے اندر آگ لگانے اور مذہبی منافرت پھیلانے کی کافی کوشش کی۔ جس میں کچھ عرصے تک انہیں کامیابیاں بھی ملتی رہیں۔ لیکن آہستہ آہستہ عوام کے اندر بیداری آنے کے ساتھ ساتھ سی پیک منصوبے نے دوبارہ امن کی ضمانت لے لی۔ اب بھی دشمنوں کی بھرپور کوشش ہے کہ پاکستان کے دوسرے صوبوں کی مانند گلگت بلتستان کے امن و امان کو بھی سبوتاژ کیا جائے۔