آیت اللہ صافی گلپائگانی: ہم ہمیشہ عراق کے مظلوم شیعوں کے لیے دعا کرتے ہیں

انہوں نے مزید کہا: عراق میں ائمہ کی زیارات کا پایا جانا اور شیعوں کا ائمہ معصومین سے بے لوث محبت کرنا ان دو ممالک کے درمیان باہمی دینی اور مذہبی تعلقات کے استحکام کی ایک اہم وجہ ہے۔
اس مرجع تقلید نے اس بات کی طرف اشارہ کرتے ہوئے کہ مرجعیت کے ذریعے تمام اختلاف کو ختم کیا جا سکتا ہے کہا: دشمان اسلام کی یہ کوشش ہے کہ مسلمانوں کے درمیان اختلاف پیدا کر کے اپنے مفاد حاصل کریں اور اسلامی ممالک کی عظیم ثروتوں کو غارت کریں۔
انہوں نے مزید کہا کہ انشاء اللہ ہمیں امید ہے کہ مرجعیت کے سائے میں ان دونوں ممالک کے درمیان موجود مشکلات ختم ہو جائیں گی، دونوں ممالک کی عظمت اور سربلندی میں اضافہ ہو گا اور دشمنان اسلام کی مایوسی بڑھ جائے گی۔
آیت اللہ صافی گلپائگانی نے حوزہ علمیہ قم اور حوزہ علمیہ نجف کے درمیان پائے جانے والے حسن روابط کو سراہتے ہوئے کہا کہ انشاء اللہ ان روابط میں مزید استحکام آئے گا۔
انہوں نے اس ملاقات کے آخر میں عراق کے لوگوں کے لیے دعا کرتے ہوئے کہا : میں ہمیشہ عراق کے مظلوم عوام مخصوصا شیعوں کے لیے دعا کرتا ہوں خداوند عالم انہیں گمراہ ٹولوں کے مقابلے میں حقیقی کامیابی سے ہمکنار کرے گا