اسلامی جمہوریہ ایران و پاکستان کے وزراء خزانہ کی باہمی تعلقات میں فروغ پر تاکید

انہوں نے کہا کہ پاکستان کو ایران پاکستان گيس پائپ لائن پروجیکٹ کی تکمیل اور طے شدہ معاملات پر عمل درآمد کرنے میں تیزی لانی چاہیے، علی طیب نیا نے کہاکہ دونوں ملکوں کے مشترکہ اقتصادی کمیشن کے اجلاس بھی بلائے جانے چاہییے۔ علی طیب نیا نے اپنے پاکستانی ہم منصب سے یہ بھی درخواست کی کہ حکومت پاکستان، ایران کے ساتھ مشترکہ سرحدوں پر امن قائم کرنے کی بھی مزید کوششیں کرے۔ اس ملاقات میں پاکستان کے وزیر خزانہ محمد اسحاق ڈار نے دونوں ملکوں کے اقتصادی تعلقات کو مثبت قرار دیتے ہوئے کہا کہ اقتصادی تعاون میں نجی سیکٹر کو مزید سرگرم کرنے کی ضرورت ہے۔ اسحاق ڈار نے کہا کہ پاکستان کی منڈیاں بغیر کسی محدودیت کے ایرانی تاجروں کے لئے کھلی ہوئي ہیں۔ انہوں نے پاکستان میں بنیادی تنصیات کی طرف اشارہ کرتے ہوئے کہا کہ ایرانی کمپنیاں ان منصوبوں میں شریک ہوسکتی ہیں۔ واشنگٹن میں عالمی بینک اور آئي ایم ایف کا اجلاس چودہ اپریل تک جاری رہے گا۔