ایران کی جانب سے ہیومن رائٹس کونسل میں پاکستان کے موقف کی تائید

سفارتی ذرائع نے دی نیوز کو بتایا ہے کہ جنیوا میں قائم اقوام متحدہ کے ہیڈکوارٹرز میں ایرانی سفیر محسن نذیری نے اپنے پاکستانی ہم منصب ضمیر اکرم کو خط لکھا ہے جس میں پاکستان کی جانب سے ایران کی حمایت پر شکریہ ادا کیا گیا ہے۔ ایرانی سیکورٹی گارڈز کے اغوا کے بعد لگائے جانے والے الزامات کے واقعہ کے بعد سفارتی مبصرین ایران کی جانب سے پاکستان کا شکریہ ادا کرنے کے واقعہ کو ایک اہم پیشرفت قرار دے رہے ہیں۔ ایرانی سیکورٹی گارڈز کے متعلق لگائے گئے الزامات بعد میں غلط ثابت ہوگئے تھے کیونکہ مغوی گارڈز ایرانی سرزمین سے ہی بازیاب ہوئے تھے۔ سفارتی ماہرین کا کہنا ہے کہ ایران اور پاکستان کے درمیان بین الاقوامی فورم پر تعاون کوئی نئی بات نہیں ہے لیکن تہران کی جانب سے ایران کی حمایت کا اعتراف حوصلہ افزا بات ہے۔