ایرانی وزیر داخلہ سرکاری دورہ پر پاکستان پہنچ گئے

وزارت داخلہ کے قائمقام سیکرٹری امتیاز تاجور نے نور خان ایئر بیس پر ان کا استقبال کیا۔ سرکاری ذرائع کے مطابق ایرانی وزیر داخلہ اپنے اس دورے میں وزیراعظم نواز شریف، مشیر خارجہ سرتاج عزیز اور وزیر داخلہ چوہدری نثار علی خان سے دو طرفہ تعلقات پر بات چیت کریں گے۔ ذرائع کے مطابق اعلٰی فوجی حکام سے بھی ان کی ملاقات متوقع ہے، بات چیت میں سکیورٹی معاملات زیر بحث آئیں گے۔ پاکستان اور ایران کے وزرائے داخلہ آج پنجاب ہاؤس میں دن بارہ بجے مشترکہ پریس کانفرنس کریں گے۔