ایکشن کمیٹی کے علماء سانحہ چلاس کے ملزمان کو سزا دلانے میں تعاون کریں،

انہوں نے کہا کہ ایکشن کمیٹی کے پلیٹ فارم سے مختلف مکاتب فکر کے لوگوں کے درمیان جو اتحاد قائم ہوا ہے وہ قابل ستائش ہے اور ہم اس کو سراہتے ہیں، اس سے گلگت بلتستان کے ماحول پر خوشگوار اثرات مرتب ہونگے۔ ماضی میں علامہ سید ضیاءالدین کی شہادت کے بعد اسکردو میں جلاو گھیراؤ ہوا، ہم نے ہر پلیٹ فارم پر ہمارے بھائیوں کو ان نقصانات کے معاوضوں کی ادائیگی کی حمایت کی اور بھرپور مطالبہ کیا کہ جس کے نتیجے میں ان کے نقصانات سے کئی گنا بڑھ کر ان کو معاوضے ملے، اب اس جذبے کا اظہار دوسری جانب سے بھی ہونا چاہیئے، خصوصاً جو علماء ایکشن کمیٹی میں ہیں وہ آگے آئیں اور سانحہ چلاس کے ملزمان کو سزا دلانے میں بھرپور تعاون کریں کیونکہ اب تک جو ملزمان پکڑے گئے تھے وہ بھی رہا کر دیئے گئے ہیں جو کہ افسوس ناک ہے۔ علامہ شیخ محمد حسن جعفری نے کہا کہ جو عناصر پاک فوج اور حساس اداروں پر تنقید کر رہے ہیں ہم کھلے الفاظ میں ان عناصر کی مذمت کرتے ہیں۔ پاک فوج اور حساس ادارے ملکی سلامتی کے ضامن ہیں اور ان کے جوان ملک کے استحکام اور سلامتی کے لئے اپنی جانوں کا نذرانہ پیش کر رہے ہیں۔